Clash of the Noobs – Statistike vor Season

D Season isch itze scho es paar Täg verbi und mir hei das chönne la Revue passiere. D Noobs hei das mau chli gneuer unger d Lupe gno was da so aues isch abgange u hei das für aui Zahlefetischischte ines chliises Brichtli packt:

Mir si i dere Season 7 mau online gis und hei im ganze knappi 18 Stung gstreamet. I dere Zyt isch folgendes passiert:

Durchschnittlech hei mir pro Stream ungloublechi 185 Zueschouer dörfe begrüesse. Bim Start vom Ravioli Cup II hei mir sagehafti 244 Zueschouer im Verlouf vom Stream dörfe ungerhaute.

Wos im Final vom Ravioli Cup umd Wurscht gange isch hei mir bis zu 75 Zueschouer glichzytig uf üsem Kanal gha. Das isch für Schwiizerdütschi Verhältnis eifach nume no krass!

Im gsamte isch i dere Season ds Gschrei vode Noobs 1098 Stung konsumiert worde (Source: Sullygnome.com). Wemer 1 Person würdi asteue wo üs söfu lang müessti zueluege wär die armi Seel es haubs Jahr beschäftiget!

D Währig “Nobbels” isch heisser im Trend aus aui Kyptowährige: 360 uf Twitch regischtrierti Nutzer hei 22153 Nobbels gfarmt. Ir nächschte Season mache mir gloubs de e Bank uf.

I dere Zyt hei d Zueschouer ou der Chat rege gnützt: Pro Stream si durchschnittlech 1190 Nachrichte abgsetzt worde, im gsamte isch dr Chat abgange wie es Zäpfli und het 8329 Nachrichte abgschickt. Das muessme de zersch no aues läse!

I dere Season hets ou nöii 29 Chuderluuris (Followers) gäh, wiukomme bide Noobs. U der Subtember het völlig igschlage u mir hei 61 mau dörfe Subs verkünde und entgäge näh! Heiligs Blechle, das isch angers abgange. A dere Stell no es grosses Merci ad Gioia, a Sneeze und a Andy für die verschänkte Subs! Dir aui sit eifach nume no liebi!

Und offesichtlech hei d Noobs mau wieder huere viu gfailed, es het i dere Season 78 clipwürdigi Szene gäh und die si ou scho über 500 mau gluegt worde! Merci a aui Clipper!

Ou we mir üs wiederhole: Mir si ungloublech dankbar für öie Support, das isch eifach nume no e Troum was mir da mit öich zäme dörfe erläbe!

(Quelle: Twitch Dashboard und Chatbot)

Clash of the Noobs – Championship Season Ende

Üsi vierti Season “Clash of the Noobs – Championship Season” isch erfolgrich ds Änd gange. Ungloublech sexy isches gsi, merci Tuusig fürs ineluege und mitmache bi üsne Gwinnspili.

Der Ravioli Cup II het dr MutzeMischt vom Geekstübli für sich entschide, siner Fahrkünscht si eifach zwifusohni die Beschte gsi! Der Mintte het sech der zwöit Platz gsicheret und der Vorjahressieger NoBiggie ufe dritt Platz verwise. Der SwissMowglie het zwar Verbesserige zeigt aber es het i däm Teilnähmerfäud nume füre 4. Platz glängt.

Ds Wettbüro ume Raviolicup II hei folgendi Lüt gwunne wo richtigerwiis ufe MutzeMischt gsetzt hei: AemJay, Solu90 und der Dr4v3. Die 3 Herre dörfe sich us üsem Shop öppis useläse. D Noobs gratuliere ganz härzlech!

Der NoBiggie het somit 2 Pünkt und der SwissMowglie 1 Punkt i die witeri Season mitgno. Dert isches hert zue u här gange. Im Wreckfest isches huere luschtig gsi u när het dr SwissMowglie im Super Mega Baseball 2 und im NBA Playgrounds siner Talänt zeigt. So si die zwe Kontrahänte mitemne unentschide zum finale Showdown i letscht Stream vor Season gstartet.

D Season isch de im Golf-it zu Gunschte vom NoBigge entschide worde, d Mitspiler hei der NoBiggie zum verdiente Sieg carried und die ungloublech luschtigi Season zum ne Ändi bracht.

Ds Wettbüro ume Gsamtsieg vo dere Season hei folgendi Lüt für sich entschide: SenfPenner, whitelemur94 und der k0bra. Ou sich chöi sech öppis us üsem Shop useläse, härzlechi Gratulation ou a dere Steu a die verdiente Gwinner.

Der Sieg im Nobbelwar het der Beckicious ganz knapp vor der Fali1911 für sich chönne entscheide, är het si Gwinn aber grosszügigerwiis a 4. platziert Phippu5 witergä und dä wiederum ads 5. platzierte Dinchen. Es grosses Merci für die generösi Tat a die zwe Herre! Ufem 3. Platz het sech der Autsaidah fürs letschte Giveaway vo dere Season chönne haute. Natürlech dörfe ou die Gwinner es Goodie us üsem  Shop useläse!

D Season isch ds Ändi gange, es het ungloublech Spass gmacht. Merci fürs cho ineluege, mitfiebere u lärm mache. Dir sit eifach die Beschte!

Season Vorbereitung

D Noobs hei agseit u gäbe Gas: Hüt hei mir no es paar Föteli i Chaschte drückt damit mir  guets Material für die kommendi Season hei. Am Mittwuch, 29.08. wärde mir im Season Reveal Stream chli über die nöii Season verzeue.

Und zum abgwöhne vom PUBG mache mir am Mäntig, 27.08. no es paar Custom Rundine. Köbi dürelade u Kar Headies kassiere isch agseit. Mitspiele u ineluege isch heilanddonnernomau Pflicht.

Wettbüro Frauenpower vs Noobs Vol1

Zwöi ganz wankumüetigi Froue (@Sharelia_mYi @cocoolada) hei d Noobs im PUBG usegforderet. D Details findet dir hie. Die Gschicht isch scho fasch entschide gsi, d Noobs hei im zwöite Stream es Chicken gholt und vorgleit. D Mädels hei ihre letscht Stream scho fasch düre gha, d Cocoo isch scho down gsi, da het d Sharelia mitemne wunderbare Solo ir letschte Sekunde es Winner Winner Chicken Dinner gholt und d Serie usgliche.

Mir löh das natürlech nid uf üs la hocke und wärde i üsem letschte Stream i dere Serie aues gä und der Sieg hole. Am Mäntig Abe, 25.06.18 um die viertuvor Achti.

 

 

 

 

SwissAngryNoobs Finaleinzug SESL Premier League?

Als die SwissAngryNoobs in die SESL Premier League eingeladen wurden, hat man ihnen nicht all zuviel zugetraut. Nun stehen wir vor dem letzten Spieltag, die Noobs sind auf Rang 6 platziert und haben exzellente Chancen den Finaleinzug zu schaffen und am 01.07.18 um die Krone im Schweizer PUBG zu kämpfen (Link zum SESL Beitrag).

Schauen wir Heute Abend um 19:00 Uhr auf dem Kanal der SESL zu und cheeren für unser Team um Teamcaptain NoBigge. Heute im Roster:

  • NoBiggie
  • Woldo79
  • Ralle (spielt Runde 3 und 4)
  • Aende (spielt Runde 1 und 2)
  • Dr4V3

GLHF!